Daeth y seremoni â theulu, ffrindiau a phersonél y Gwasanaeth Tân ynghyd i gydnabod ymroddiad ac ymrwymiad pump unigolyn sydd wedi cwblhau wythnosau o hyfforddiant dwys. Wrth iddynt ddechrau eu gyrfaoedd fel Diffoddwyr Tân Ar Alwad, byddant yn rhoi cefnogaeth hanfodol i'w Gorsafoedd Tân lleol a'r cymunedau y maent yn eu gwasanaethu.
Yn ystod y seremoni, cymerodd y recriwtiaid newydd ran mewn cyfres o arddangosfeydd iard ymarfer, gan ddangos y sgiliau ymateb brys maen nhw wedi'u datblygu trwy gydol eu hyfforddiant. Daeth y digwyddiad i ben gyda chyflwyno tystysgrifau i gydnabod eu cyflawniad.
Yn eu rolau newydd, bydd y Diffoddwyr Tân hyn yn chwarae rhan bwysig wrth ymateb i argyfyngau, cefnogi gweithgarwch atal a helpu i gadw pobl yn ddiogel yn y cymunedau lle maent yn byw ac yn gweithio.
Llongyfarchiadau i'n holl recriwtiaid newydd, a chroeso i'r tîm.